Ang pag-ibig natin tulad ng mumunting hangarin
Hirap at dalangin, sana’y marating
Tulad ng dalampasigan, alon nya’y haharapin
Ang pag-ibig natin may himig kaygandang awitin
Pagsaluhan natin, kaygandang damhin
Titik nito’y ako’t ikaw rin, habang buhay kakantahin
Chorus:
At narito, magaganap sa araw na ‘to
Pangarap natin, pag-ibig ay mabubuklod
Ang pag-ibig mo at ang pag-ibig ko
Sa kamay ng Diyos kaygandang ating ihandog
(Repeat verse 2 and chorus)
Bridge:
Matutupad sa atin ang dakilang layunin ng Diyos
Iiwan ng lalaki ang kanyang ama’t ina
Lilisanin ng babae ang sarili nyang tahanan
(Repeat chorus)
Nagagalak, nagsasaya ang buong mundo
Mga nagmamahal sa inyo
Di ba’t kailan lang kayong dalawa ay nagtagpo
Isang hiwaga ngayon nga pasisimulan ninyo
Ang isang panibagong hakbangin
Kalakip ang aming dalangin
Maaasahan ang twina naming paglingap
Tutulungan, ano pa man ang inyong makaharap
Nagagalak, nagsasaya, nagbubunyi ang buong sandaigdigan
Ipinagdiriwang ang inyong pagmamahalan
Tanggapin ninyo, asahan ninyo sa pagdaan ng panahon
Pag-ibig namin at ang pagkalinga ng ating Panginoon
Nagagalak, ihahatid ng bulaklak
Sa landas na ngang inyong tinatahak
Nag-uumapaw ang saya sa’ming puso
Nagdarasal sa Maykapal - patnubayan Nya kayo
Ikaw at ako sa agos ng panahon
Ba’t di mo tingnan o hayaan na lang
Sinong nagbibigay ng ating saya
Mundo ba’y mahalaga higit sa ‘ting dal’wa
Chorus:
Sabihin mang di bagay
agwat natin sa buhay
Sinong pipigil kung Diyos ang may laan
Ano pa bang kailangan patunayan sa 'ting buhay
Bakit titigil kung ito’y laan
O ang pag-ibig sadyang iniaalay
Sayo itinatangi katumbas ng iyong buhay
Ikaw at ako sa agos ng panahon
Nasa palad nya ang buhay nating sinta
Bridge:
Tayo na mahal, damhin ang saya
Puso ay may laya na
Chorus:
Sabihin mang di bagay agwat natin sa buhay
Sinong pipigil kung Diyos ang may laan
Ano pa bang kailangan patunayan sa 'ting buhay
Bakit titigil kung ito’y laan
Ginto man ang binibigkas kong salita
Maging anghel sa tinig ko ma'y humanga
Batid ko man lihim ng bawat hiwaga
Sayang kung pag-ibig ay wala.
Handog ko man lahat nitong angking yaman
Kahit bawat dukha'y aking pamarisan
Ialay ma't sunugin itong katawan
Walang saysay kung 'di rin nagmahal.
Tunay ang pag-ibig
Kung may pagtitiis
Di nagmamapuri, banal at kay linis
May pag-asa at tiwala na hindi magwawakas
Ganyang pag-ibig ang alay sa 'yo.
Kagandaha'y lilipas at mawawala
Karununga'y malilimot ng unawa
Kung ang pag-ibig ay sa langit nagmula
Kay tibay pagka't Diyos ang nagpala.
Iniibig kita, higit sa 'king buhay
Minamahal kita, pag-ibig ko'y tunay
May pag-asa at tiwala na hindi magwawakas
Ganyang pag-ibig ang alay
Sa Diyos sabay nating alay
Mahal kita habang mayroong buhay.
Para sa akin, ikaw lamang
Ang tunay kong pag-ibig aking giliw
Sa 'king dalangin isinasamo
Na sana ika'y akin nang makapiling
Ako'y maghihintay
Maghihintay sa'yo
Chorus:
At sa'yong pagbabalik dambana'y naghihintay
Upang tayo'y mag-ugnay, hirang
At itong paghihintay, pangarap makakamit
Natatanging sandali natin
Ako'y maghihintay
Maghihintay sa'yo
Lagi
At kung mangyaring tayo'y nagsasama na
Pag-asang iningatan nya sa ti'y nagbunga na
O anong ligaya ang madarama
Pag-ibig nati'y pinagtagpo Niya
Chorus:
At sa'yong pagbabalik dambana'y naghihintay
Upang tayo'y mag-ugnay, hirang
At itong paghihintay, pangarap makakamit
Natatanging sandali natin
Ako'y maghihintay
Maghihintay sa'yo
Lagi
Minsan lang tayo magkita at ako'y nag-aalala
Puso ko ay kakaba-kaba at nakatulala
Sa Diyos mananalig hanggang wakas kasama kita
Hwag kang mag-aalala, pagkat ako'y nandirito lang
Pangarap natin ay iingatan kasama ang Maykapal
'Di mapaparam pag-ibig na sayo'y laan
Chorus:
Tayong dalwa'y nagsumpaan sa harap ng ating Maykapal
Sa hirap o kaginhawahan, tayo'y magdadamayan
Ating sundan ang sinimulan nang tayo ay mag-ibigan
Sa hirap o kaginhawahan, tayo'y magdadamayan
Huwag nang mag-alala, pagkat ang Diyos ang may akda
Tayong dal'wa ay pag-isahin, hanggang Siya ay dumating
Ikaw at ako, hanggang wakas ikaw pa rin
Chorus:
Tayong dalwa'y nagsumpaan sa harap ng ating Maykapal
Sa hirap o kaginhawahan, tayo'y magdadamayan
Ating sundan ang sinimulan nang tayo ay mag-ibigan
Sa hirap o kaginhawahan, tayo'y magdadamayan
Kailanpaman
Araw ko'y papanglaw kung di ka matatanaw
Kahit saglit man lang
Ika'y masilayan
Sa 'yo nga'y naghihintay, sa pag-big mo hihimlay
Diyos ang Siyang pinagmulan
ating pagmamahalan.
Chorus:
Kahit pa magtatagal, ako'y maghihintay
Kahit ulitin pang muli ang panahon na nagdaan.
Hindi ako mapapagal, di malulumbay
Aking tutunghayan ang bawat oras man
Alam ng Maykapal.
Puso'y h'wag mangangamba, pagkat wala na ngang iba,
At ako'y nakapako na sa'yo lamang, aking sinta
Nais kong malaman mo, hindi ako mahihiyang
Ipagsigawan sa mundong
Mahal na mahal kita.
Chorus:
Kahit pa magtatagal, ako'y maghihintay
Kahit ulitin pang muli ang panahon na nagdaan.
Hindi ako mapapagal, di malulumbay
Aking tutunghayan ang bawat oras man
Alam ng Maykapal.
Darating nga ba ang panahon
Ang oras na ika'y iibig pang muli sinta
Maiaalis mo ba ang pangamba
Sa puso ko'y hanap-hanap lagi ikaw
Kung makita ko ang iyong luha
Ikaw ba ay nangangamba
Nagtiwala ako sayo, ay nasaling sinta
Di ko ibig na ika'y masaktan
Lalong di ko ibig sabihing ika'y nagkukulang
Di ba't tayo ay magka-isa
Kalakip sa lahat ng oras-oras sinta
Chorus:
Mayroon bang hahadlang sa pinag-isa ng Maykapal
Aling bagay bang katumbas ng iyong pagmamahal
Gaanon mang pagsubok ang sa ati'y naghihintay
Asahan mong Diyos natin ang bigkis kailanpaman
Kung makita ko ang iyong luha
Ikaw ba ay nangangamba
Nagtiwala ako sayo, ay nasaling sinta
Chorus:
Mayroon bang hahadlang sa pinag-isa ng Maykapal
Aling bagay bang katumbas ng iyong pagmamahal
Gaanon mang pagsubok ang sa ati'y naghihintay
Asahan mong Diyos natin ang bigkis kailanpaman
